Førebels har dei fått tilbod om å spela på taket av Operaen under folkefesten den 2. april.

– Vel og bra, men ikkje nok. Vi skal rive ned det kunstige skiljet mellom Oslo-snobberiet og den folkelege norske kulturen ein gong for alle. Dette huset tilhøyrer heile det norske folk. Det er skattekronene våre alt saman. Vi vil inn og spela vi også, seier dagleg leiar i trekkspelklubben, Rolf «Atti» Eikaas.

- Fantastisk moro
- Det er utruleg artig å vera med i Lindesnes Trekkspillklubb, seier Tor-Helge Undheim frå Bryne og Gunnar Bø frå Varhaug. Sjølv om det er 2,5 time med bil kvar veg på øving, kvir dei seg ikkje for turane til Audnedal.

- Det musikalske og sosiale fellesskapet er eineståande, og alle dei fine konsertopplevingane og turane i inn- og utland ville me ikkje ha vore forutan, er dei to samde om.

Gunnar Bø kom med i klubben for få år sidan, medan Tor-Helge Undheim vart medlem så tidleg som i 1994. Han møtte karane frå Lindesnes på saueskiljing i Sirdal, og har vore med sidan.