Full brannutrykking til nyopna Bryne-restaurant

Dagleg leiar Izral Singh saman med representantar frå Rogaland brann og redning IKS som rykka ut til parkeringsanlegget ved den nyopna restauranten seint fredag kveld.

Dagleg leiar Izral Singh saman med representantar frå Rogaland brann og redning IKS som rykka ut til parkeringsanlegget ved den nyopna restauranten seint fredag kveld. Foto:

Artikkelen er over 1 år gammel

Opningsdagen blei dramatisk for den indiske restauranten på Bryne torg.

DEL

Seint fredag kveld gjekk brannalarmen i garasjeanlegget som er i same bygget som den nyopna, indiske restauranten. Det synte seg at damp frå kjøkkenet i den nye restauranten hadde kome inn i ventilasjonsanlegget i parkeringsanlegget og utløyst brannalarmen.


Frå brannutrykkinga til næringsbygget Torjå på Bryne seint fredag kveld.

Frå brannutrykkinga til næringsbygget Torjå på Bryne seint fredag kveld. Foto:


– Håper problemet blir løyst fort

– Alt gjekk veldig fint, heilt til fredag kveld. Då gjekk brannalarmen i parkeringsanlegget som held til i same bygget som oss. Det var full utrykking, men verken brann eller røyk var å sjå. Det synte seg at det var damp frå kjøkkenet vårt som hadde utløyst brannalarmen, fortel Izral Singh, dagleg leiar ved den nye restauranten.

Han skal i møte med huseigar laurdag for å undersøkja kva som kan gjerast for at det same ikkje skal skje igjen. Også ein representant frå Rogaland brann og redning IKS vil delta på møtet.

– Me hadde ein fantastisk og travel opningsdag, med mange gjester og mykje sal av take-away. Ingen hadde tenkt at dagen skulle enda slik, seier Singh.

Han håpar at problemet snart vil vera løyst, og at dei slepp opphald i drifta.


– Kan ha samla seg heile dagen

Operasjonsleiar Kurt Løklingholm i Sør-Vest politidistrikt stadfestar at brannalarmen i næringsbygget Torjå blei utløyst sidan damp frå kjøkkenet i den nyopna indiske restauranten kom inn i ventilasjonsanlegget i parkeringsanlegget like ved.

– Det kan sjå ut til at dampen har samla seg i parkeringsanlegget gjennom heile dagen, seier Løklingholm.

Fleire brannbilar rykka ut til torget på Bryne etter at damp utløyste brannalamen i parkeringsanlegget i næringsbygget Torjå.

Fleire brannbilar rykka ut til torget på Bryne etter at damp utløyste brannalamen i parkeringsanlegget i næringsbygget Torjå. Foto:


Artikkeltags