Klepp trossa varsel om frisk bris og striregn

På Nærbø vart sundagens arrangement noko amputert, mens Bryne markerte første sundag i advent på ein laurdag. På Kleppe var det ikkje aktuelt å justera nokon ting på programmet. Derfor vart det tenning av julegran, tale frå ordførar og sokneprest, julemusikk frå Klepp skulekorps og Klepp kulturskule. Det var gratis julegraut og nissar med gåver til dei minste. – Første sundag i advent er første sundag i advent. Vêret får berre bli som det blir. Det var ikkje det vêret me ønskte, men det kan me ikkje gjera nokon ting med, sa ein opplagt leiar i Klepp Næringsforening, Odd Byberg, kort tid før arrangementet skulle starta. Grauten vart uansett servert under tak, i eit over 100 kvadratmeter stort juletelt.