Byku vart miss

STOLT: Kjersti Nærvik viser stolt fram vinnarkua av Miss Jæren 2013.

STOLT: Kjersti Nærvik viser stolt fram vinnarkua av Miss Jæren 2013. Foto:

Av
Artikkelen er over 6 år gammel

Kua Sjokolade vart årets Miss Jæren.

DEL

– Kanskje ho kan få sjokoladekake?

Åtte år gamle Amalie Dyvik kikkar spørjande opp på mor Ingunn Dyvik medan ho klappar 0774 Sjokolade litt ekstra på hovudet. Åtteåringen tykkjer at premien bør stå i stil med navnet til den sjokoladebrune kua med sløyfeband rundt magen.

– Tenk at me vann, smiler mor Dyvik og tek i mot gratulasjonar frå nær og fjern. Det er stas å få miss Jæren i fjoset på Austrått. For i skarp konkurranse med jærkyr, var det nemleg ei byku som trakk det lengste strået.

Splitta dommarar

Det var ingen klar siger. Dommarane var splitta. Av tre dommarar, hadde alle kvar sin favoritt. Til slutt var det alderen som avgjorde, og sidan Sjokolade var den eldste av dei tre, var det ho som kunne smykka seg med missetittelen.

For familien Dyvik var det fyrste gong dei deltok i kukonkurransen.

– Det var avløysaren vår som lurte oss med på dette. Me hadde ikkje venta å vinna, fortel kueigaren, og passar på at ungane ikkje krøller det gjeve diplomet.

Og skulle det ikkje bli kake på kua, så kunne iallfall storebror i familien garantera noko anna godt.

– Ho skal iallfall mykje godt gras, legg Lars Dyvik (10) til.

Like poengsummar

At tre kyr fekk same poengsum var sjeldan kost for misseleiinga. Grunnen var at det var for få kyr i ein klasse, og at det dermed vart ein klasse mindre og ein dommar mindre.

Dommarane representerer kvar sin kurase, men kan ikkje stemma på eigen rase. Den kua som får flest einarar, er vinnaren. I Miss Jæren 2013, fekk tre kyr ein einar og ein toar og ende derfor på same poengsum.

Jærmessa

Miss Jæren vart arrangert for 10. gong i år. Det er eksteriøret, altså utsjånaden som vert vurdert. Kyrne får poeng for kropp, bein og jur. Ryggen skal vera bein og juret skal ikkje henga for langt ned. Kua skal ha god rørsle.

Miss Jæren er ein del av Jærmessa, som er ei årleg messe på Varhaug. Messa har i år eit variert program med utstillarar inne i hallen, underhaldningstelt, mattelt, tivoli og fleire andre aktivitetar. Messa opna fredag og avsluttar sundag.

MISSEKU: Kua Sjokolade får ein ekstra kos av mor Ingunn, Amalie og Lars Dyvik.

MISSEKU: Kua Sjokolade får ein ekstra kos av mor Ingunn, Amalie og Lars Dyvik. Foto:

STOLT: Kjersti Nærvik viser stolt fram vinnarkua av Miss Jæren 2013.

STOLT: Kjersti Nærvik viser stolt fram vinnarkua av Miss Jæren 2013. Foto:

Artikkeltags