Meiningar Dette er eit debattinnlegg. Innlegget gir uttrykk for skribenten sine haldningar.
Dyrevelferd har vore på agendaen i norske media over lang tid, godt hjelpt av mattilsyn, dyrevernalliansen og dyrevernaktivistar. Dyr skal ikkje lida unødig. Det er det bonden som har det heile og fulle ansvar for. Både frå politisk hald og frå næringsliv blir det gitt lover, forskrifter og oppfølging. Dei norske bøndene er såleis gitt felles retningsliner og forståing. Og norske dyr har det gjennomgåande svært godt, det gjeld geit så vel som gris, mink og andre husdyr.
Vi har i seinare tid fått fleire eksempel på at einskildpersonar og grupper tek seg til rette på måtar som ikkje er ein rettsstat verdig. På uærleg vis, med løgn og ulovlege metodar finn dei fram til eksempel der lov og regelverk vert brote. Så framstiller dei dette som normalen. Og ikkje berre det, ein gjer politikarar og ei heil næringskjede til løgnarar.
Dersom ein forventar at bønder skal handsama husdyr som kjæledyr, ja, då trengs det sanneleg ei skikkeleg folkeopplysning til.
Kva om det vart filma med skjult kamera i andre bedrifter, institusjonar eller endåtil i heimar? Det kan ikkje vera slik at viss vi berre kan visa til lovbrot, er det ok å filma med skjult kamera der ein måtte ynskja det. Eg trur dei fleste med sunn fornuft vil forstå at slik kan det ikkje vera. Filminga frå grisefjøs burde difor få eit rettsleg etterspel for å hindra gjentaking.
At NRK valde senda filmen er etter mi meining ille. At dei i tillegg forsterkar inntrykket ved å visa same bileta om att og om att, er ei enda verre. Ei så fullstendig einsidig framstilling svekker tilliten til kanalen som seriøs aktør. Når den som filmar tilsynelatande ikkje skil mellom kosedyr og husdyr, burde det lysa ei varsellampe. Dersom ein forventar at bønder skal handsama husdyr som kjæledyr, ja, då trengs det sanneleg ei skikkeleg folkeopplysning til.
NRK burde også vita at med den utviklinga som skjer innan jordbruket nå, er det som skjedde for 5–6 år sidan forelda. Det er rett og slett dokumentasjon utgått på dato! Nye reglar for husdyrhald, tett oppfølging og kontroll har gitt store endringar i dyrevelferda. I tillegg er Piraya film, som har redigert opptaka og laga filmen, eit selskap som er kjent for sine «skjult kamera»- filmatiseringar. Fleire av filmane er svært kontroversielle med eit tvilsamt innhald.
Vi har eit mattilsyn som for tida ligg nede for teljing. Ein av grunnane synest vera manglande kompetanse på felt der dei er sett til å ha tilsyn. Første steg i retning av å oppretta tilliten att, både for seg og bonden, vil vera å omorganisera og sørga for at det er kompetente tilsette som forstår lovverket og har innsikt i det å driva med dyr. Og enda eit vesentleg moment: Dei må møta bonden med full tillit. Slik er det ikkje alltid!
Som ein ropar i skogen får ein svar! Er ein ute etter å finna feil, er ein garantert å finna det.
«Grisen står og hyler i den stille kveld
Han skal ikkje slaktast, men hyler likevel.»
Merkeleg at ikkje Ragnar Hovland, som har skrive denne teksten, er sett bak lås og slå for dyremishandling.
LES OGSÅ:
Lokal griseprodusent: – Det må få konsekvenser
Sterke reaksjoner etter avsløringer fra svinenæringen: – Jeg er opprørt og sint
Dokumentar skakar landbruket. Bonde meldt til politiet