Namn: Reidar Skretting
Alder: 36
Bustad: Varhaug
– Kva er ditt beste juleminne?
– Då eg var liten og vakna til julesokk julaftan morgon. Då eg kom ned i stova hadde dei fyrt i omnen, og eg kunne setja meg ned og sjå på alt det gilde som dei viste på fjernsynet. Litt etter litt kom også lukta av pinnekjøt og ribbe.
– Kva ønskjer du deg til jul?
– Eit godt spørsmål. Eg er blitt så gammal at det er gildare å sjå at ungane blir glade for det dei får, enn å ønskja seg noko sjølv. Det gildaste for meg er å gleda andre på julaftan.
– Kva ser du mest fram til i jula?
– Eg har ein travel jobb i førjulstida. Når julerushet er over, ser eg fram til å siga ned i sofaen i lag med familien, og kosa meg i lag med dei. Det er ikkje så mykje eg ser til familien i denne travle tida, og det skal bli veldig greitt å vera meir i lag.
– Team ribbe eller team pinnekjøt?
– Team ribbe, utan tvil. Det er litt utradisjonelt på Jæren, men ribba skal vera marmorert og ha sprø svor, og etast med mykje godt tilbehøyr.